IX siniflərdə diaqnostik qiymətləndirmə aparılıb
IX sinif şagirdlərinin ümumi orta təhsil kursu üzrə buraxılış imtahanlarına hazırlıq səviyyəsinin öyrənilməsi məqsədilə diaqnostik qiymətləndirmə keçirilib. Diaqnostik qiymətləndirmə tədris dili, riyaziyyat və ingilis dili fənləri üzrə aparılıb.
Şagirdlərin imtahan aparılacaq fənlər üzrə bilik, bacarıq və vərdişlərə yiyələnmə səviyyəsi yoxlanılıb.
Diaqnostik qiymətləndirmənin keçirilməsində əsas məqsəd şagirdlərin pedaqoji-psixoloji cəhətdən buraxılış imtahanlarına hazırlığının təmin edilməsi, imtahanqabağı həyəcanın aradan qaldırılması, uğurun əldə olunmasıdır.
Şagirdlər hər fənn üzrə 30 sualı cavablandırıblar.
