Şagirdlərimizin Lerik gəzintisi
Məktəbin bir qrup şagirdi müəllimlərinin müşayiəti ilə Lerik rayonuna ekskursiya etdilər. Bu gəzinti şagirdlər üçün həm maraqlı, həm də maarifləndirici oldu.
Səfərin əsas məqsədi şagirdlərin Azərbaycan təbiəti, tarixi və mədəniyyəti ilə daha yaxından tanış olmaları idi. Lerikin füsunkar təbiəti, sərin meşələri və dağ mənzərələri şagirdlərdə böyük maraq və heyranlıq oyatdı.
Bölgənin zəngin təbii gözəlliklərini seyr etdilər və açıq havada müxtəlif əyləncəli oyunlar oynadılar. Təbiət qoynunda keçirilən piknik, maraqlı söhbətlər və xatirə şəkilləri gəzintini daha da unudulmaz etdi.
Şagirdlər səfərdən böyük məmnunluqla qayıtdılar. Belə ekskursiyalar onların dünyagörüşünü genişləndirir, yurdumuzun gözəlliklərini tanımağa və qorumağa təşviq edir.
