Şagirdlərimiz şokolad fabrikində olublar
Məktəbimizin 2-ci ”e” sinif şagirdləri “Ulduz” Şokolad fabrikinə ekskursiya ediblər.
Ekskursiyanın keçirilməsində məqsəd şagirdləri istehsalat müəssisələri ilə tanış etmək, onları istehsal prosesləri haqqında məlumatlandırmaq, texnoloji biliklərini artırmaq, əməyə və zəhmətkeş insanlara məhəbbət hisləri aşılamaq, əməyə, zəhmətə şüurlu münasibət formalaşdırmaqdır.
İstehsalat müəssisəsi ilə yaxından tanış olan şagirdlər şokolad yağının istehsal üsulunu və hansı şəraitdə hazırlanmasını, qablaşdırılmasını izləyiblər. Fabrikin mütəxəssisləri tərəfindən uşaqlara şokolad yağının tərkibi haqqında məlumat verilib. Müxtəlif şirniyyatların hazırlanma üsulu nümayiş etdirilib
Ekskursiya zamanı uşaqlar ləzzətli şokoladların və fabrikin digər məhsullarının da dadına baxdılar. Sonra şagirdlər şəhər üzrə gəzintiyə çıxıblar.
