Bir yurd vardı - Xocalı
Məktəbimizdə Xocalı faciəsinin 26-cı ildönümünə həsr olunmuş silsilə tədbirlər həyata keçirilib:
Divar qəzetləri, bülletenlər buraxılıb, şagirdlərin əl işlərindən və rəsmlərindən ibarət
sərgi təşkil olunub. 26 fevral tarixində ilk dərslər Xocalı hadisələrinə həsr olunub.Hər bir sinifdə faciə qurbanlarının xatirəsini yad etmək üçün güşələr yaradılıb.
İnşalar yazılıb, təqdimatlar hazırlanıb.
Xocalı soyqırımına həsr olunmuş əsərlərin oxusu və müzakirəsi aparılıb. Şagirdlər Xocalı faciəsindən bəhs edən sənədli və bədii filmlər izləyiblər. Şagird və müəllimlərin “Ana fəryadı” abidəsinə ziyarəti təşkil olunub.
“Dəyirmi masa” keçirilib. Tədbir zamanı faciə qurbanlarının xatirəsi bir dəqiqəlik sükutla yad olunub. Tədbirdə 1992-ci il fevralın 25-dən 26-sına keçən gecə Xocalıda törədilmiş vəhşiliklərdən, insanlığa qarşı yönəldilmiş soyqırımın acı nəticələrindən danışılıb, qeyd edilib ki, Xocalı faciəsi Azərbaycan xalqının tarixinə qanlı səhifə kimi yazılıb. Gənc nəsil bu tarixi heç vaxt unutmamalıdır.
