Düzgün ixtisas seçimində valideynin rolu
23.11.2017-ci il tarixdə məktəbimizin IX-XI siniflərində “Düzgün ixtisas seçimində valideynlərin rolu” mövzusunda Binəqədi rayon Məşğulluq Mərkəzi və Təhsilin İnnovativ İnkişafı Mərkəzinin birgə hazırladıqları təlim keçirilib. Təlimin keçirilməsində məqsəd şagirdləri duzgün peşə seçiminə istiqamətləndirmək idi. Təlimdə Binəqədi rayon Məşğulluq Mərkəzi nin aparıcı –məsləhətçisi Rəşad Muradov və Təhsilin İnnovativ İnkişafı Mərkəzinin əməkdaşı Aygül Məmmədova iştirak edərək peşəyönümü, şagirdlərin ixtisas seçimində valideynlərin mövqeyi və rolundan danışıblar. Qeyd edilib ki, peşə seçimində şagirdlərin maraq dairəsi, fiziki-psixoloji və sağlamlıq imkanları nəzərə alınmalıdır. Bəzən səhv olaraq seçilən ixtisas təzadlar yarada bilər. Düzgün peşə seçimində hər kəs öz yerini və imkanlarını dəqiq bilməlidir, müəyyənləşdirməlidir. Sonra peşələr və ixtisaslar barədə şagirdlərə daha geniş və ətraflı məlumat verilib, video-çarx nümayiş etdirilib, şagirdlərin sualları cavablandırılıb.
