9 Noyabr Bayraq Günü
Bu gün məktəbimizdə "8 Noyabr Zəfər Günü" və "9 Noyabr Dövlət Bayrağı Günü" ilə bağlı tədbirlər keçirilib. Keçirilən tədbirlərdə Azərbaycan Respublikasının ərazi bütövlüyü uğrunda canlarından keçən bütün şəhidlərimizin əziz xatirəsi bir dəqiqəlik sükutla yad edilib.
Dövlət Himnimiz oxunub. Vətənpərvərlik ruhunda mahnılar ifa olunub, bədii kompozisiyalar nümayiş etdirilib, şeirlər söylənilib. Qazilərimizə cansağlığı arzulanıb.
Bayrağımızı zirvələrdə dalğalandıran qəhrəman Vətən övladlarının şücaətindən danışılıb, onların şərəfinə həsr olunmuş bədii nümunələr söylənilib. Zəfər marşları, qəhrəmanlıq mahnıları oxunub.
Tədbirlərin keçirilməsində məqsəd təhsilalanların hərbi vətənpərvərlik tərbiyəsini gücləndirməkdən, zəfər tariximiz haqqında biliklərini zənginləşdirməkdən ibarətdir.
