Aprel döyüşlərinə həsr olunmuş onlayn rəsm müsabiqəsi keçirilib
Məktəbimizin şagirdləri Bakı Şəhəri üzrə Təhsil İdarəsi (BŞTİ) tərəfindən “Böyük zəfərin başlanğıcı!” mövzusunda start verilmiş onlayn rəsm müsabiqəsinə həvəslə qoşulublar.
Mövcud tibbi-profilaktik vəziyyət nəzərə alınaraq onlayn keçirilən müsabiqənin əsas məqsədi şagirdlərin vətənpərvərlik ruhunda tərbiyəsi işnin davamlı təşkilinə nail olmaq, aprel döyüşlərində şəhid olanların xatirəsini ehtiramla yad etmək, Azərbaycan Ordusunun göstərdiyi şücaətə uşaq və gənclərin diqqətini cəlb etmək, habelə onların bədii-estetik zövqünü formalaşdırmaq, xüsusi istedada malik olan uşaqları üzə çıxarmaq, onların yaradıcılıq səviyyələrinin yüksəldilməsinə dəstək verməkdən ibarətdir.
