“İdman Günü” ilə əlaqədar yarış
5 Mart günü məktəbin idman zalında “Bədən tərbiyəsi və İdman Günü” ilə əlaqədar tədbir keçirildi. İdman müəllimlərindən Rəna Hacıyeva və Arzu Ələsgərovanın təşkilatçılığı ilə “Şən standartlar” adı altında keçirilən tədbirdə Nizami rayon İcra hakimiyyətinin Gənclər və İdman İdarəsinin rəis müavini Vasif İsayev , məktəbin direktoru Leylaxanım Məmmədova, təlim-tərbiyə işləri üzrə direktor müavini Nailə Səmədova iştirak edirdilər.
Tədbir Azərbaycan Dövlət Himninin səslənməsi ilə başlandı. Sonra 9”B” sinif şagirdinin Sübhan Hüseynlinin ifa etdiyi “İki dövlət bir millət” mahnısı sədası altında, 2”Ç” sinif şagirdi Mehin Məmmədova akrobatik bacarığını nümayiş etdirdi. Sonra yarış başlandı. “Odlar yurdu”, “ Birlik”, “Aslan”, “Kartal” komandaları öz çıxışlarını təqdim etdilər. Fasilələrdə məktəbin 9”Ç” sinif şagirdi Elmir Həmzəyev tatamidə cüdo hərəkətləri göstərməklə tamaşaçılarda xoş əhval ruhiyyə yaradırdı. Yarış böyük coşqu ilə keçdi. Hiss olunurdu ki, şagirdlər ona ciddi hazırlaşıblar. Qalib komanda 7”A”sinfini təmsil edən “Kartal” komandası oldu. Yarışın sonunda qalib komandanın şərəfinə Elvin Məmmədzadə və Mövsüm Xanbutov milli rəqs nümayiş etdirdilər.
