10 №-li tam orta məktəb

17 yanvar məktəbin Akt zalında “20 Yanvar” şəhidləri yad edildi. Tədbir Azərbaycan himni ilə başladı, daha sonra bir dəqiqəlik sükut ilə şəhidlərimiz yad edildi. Şagirdlər vətən uğrunda canlarından keçən qəhrəmanlarımıza şeyir və mahnı səsləndirdilər. Daha sonra o gecə olan hadisələr ilə bağlı video çarx izləndi.

20-dekabr məktəbin Akt zalında “Nəsimi ili” çərçivəsində tədbir keçirildi. Tədbirdə məktəbin direktoru, direktor müavinləri, məktəbin müəllim heyəti və şagirdlər iştirak etdilər. Tədbirdə əsas məqsəd  Azərbaycan xalqının çoxəsrlik ənənələrə malik bədii və fəlsəfi fikrində dərin iz qoymuş mütəfəkkir şair İmadəddin Nəsiminin zəngin irsini gənc nəslə sevdirmək, klassik irsə məhəbbət aşılanmasını təmin etmək idi.Tədbir iştirakçıları izləyicilərə  İ.Nəsiminin bədii irsini, yaradıcılığını əks etdirən şeyirlər səsləndirdilər. Onun həyat yaradıcılığından bəhs etdilər.

Bakı Şəhəri üzrə Təhsil İdarəsinin müdiri Rəşad Tağıyevin ARB24 TV-yə müsahibəsi

Çağdaş dünyanın təhsil trendləri islahat və yeniliklərin çevik tətbiqini tələb edir. Çünki müasir dövrün inkişaf meyilləri təhsilin yetişdirdiyi insanların bacarıqlarından başlayır.

Bu baxımdan ölkə ümumi təhsilinin flaqmanı olan Bakı təhsilində hansı fəaliyyət istiqamətləri müəyyən olunub, məktəbyaşlı uşaqları dünyanın rəqabət mühitinə hazırlamaq üçün əsas prioritetlər nədən ibarətdir? Eləcə də 2019-cu təqvim ilində təhsildə keyfiyyətin artırılması istiqamətində hansı işlər görülüb?

Bütün bunlar barədə Bakı Şəhəri üzrə Təhsil İdarəsinin müdiri Rəşad Tağıyev ARB24 TV-yə müsahibəsində qeyd edib.

Oktyabrın 18-ində  “Valideynin Məktəbdə bir günü ”adlı tədbir keçirildi. Tədbirin keçirilməsində əsas məqsəd valideynləri məktəbimiz ilə yaxından tanış etmək, həmçinin pedoqoji heyət ilə ünsiyyət qurmağı təmin etməkdi. Rəsmi açılış valideynlərin tədbirin gündəliyi ilə sonuclandı və proqrama uyğun olaraq valideylərin məktəb mühiti ilə tanışlığı başlandı. Onlar ilk öncə məktəb kitabxanası, yeməkxanası, sinif otaqları, kimya, fizika, hərbi hazırlıq kabineti, labarotoriyalarla yaxından tanış oldular. Sonra məktəb bağçası və idman meydançası nəzərdən keçirildi. Tədbirin tədris aparılan günə təsadüf etməsi valideynlərə tədris prosesini izləmək şansı verdi.Uşaqların əl işlərinin nümayişi isə tədbirə xüsusi rövnəq verdi. Daha sonra valideynlər akt zalında toplandı. Məktəbin direktoru Leylaxanım Məmmədova, tərbiyə işləri üzrə Nailə Səmədova, məktəbin valideyn komitəsi sədri Nailə Şəfiyeva valideynlərlə söhbət etdi öz sözlərini valideynlərə çatdırdı, valideynlərə məsləhətlərini bildirdilər.

                Valideynlərə öz övladlarının iştirakı ilə məhz onlar üçün hazırlanmış konsert proqramı təqdim edildi. Məktəbin valideyn komitəsinin sədri Nailə  Şəfiyeva valideynlər adından müəllim kollektivinə öz dərin təşəkkürünü bildirdi və övladlarının etibarlı əllərdə olduğunu bir daha təsdiqlədi.

O9 dekabr məktəbin Akt zalında Cəlil Məmmədquluzadənin  150 illiyi ilə əlaqədar 10-cu siniflər tədbir keçirtdilər. Tədbir Azərbaycan himni ilə başladı. Uşaqlar Cəlil Məmmədquluzadənin “Ölülər” əsərini səhnədə canlandırdılar. Tədbir böyük maraqla izləndi.