AXC-nin yaranması münasibətilə tədbir keçirildi.
23 may məktəbimizin Akt zalında AXC-nin 100 illiyinə həsr olunmuş “Bir kərə yuksələn bayraq bir daha enməz!” başlığı altında tədbir keçirildi.Tədbirdə AXC-nin banisi M.Ə.Rəsulzadənin Cümhuriyyət dövrünə qədərki, və sonrakı fəaliyyətini əks etdirən videoçarx nümayiş etdirildi. Şagirdlərin ifasında Vətənimizə həsr edilmiş şeirlər səsləndi, mahnılar oxundu. Mənfur Gülüstan və Türkmənçay müqavilələrindən başlayaraq bu günümüzə qədər keçilən tarixi dövrə “səyahət edildi”. Müasir Azərbaycanımızın qurucusu Ümummilli lider Heydər Əliyevin olduğu vurğulandı. “AXC-nın ömrü az cəmi 23 ay oldu, müasir Azərbaycanımızın müstəqilliyi isə əbədidir” şüarı səsləndi. İştirakçılar M.Ə.Rəsulzadənin səsində “Sən bizimsən,bizimsən durduqca bədəndə can, Yaşa yaşa, çox yaşa ey şanlı Azərbaycan!” misralarını alqışlarla qarşıladılar. Sonda məktəbin direktoru Leylaxanım Məmmədova çıxış etdərək tədbir iştirakçılarına və məktəbin dil-ədəbiyyat müəllimi Familə Aslanlıya hamıya gözəl anlar yaşatdıqları üçün minnətdarlığını bildirdi.
