Görkəmli sərkərdə Cəmşid Naxçıvanskinin 120 illik yubileyinə həsr olunmuş dəyirmi-masa keçirildi
Dekabr ayının 2-də Bakı şəhəri Nizami rayonu 10№ li tam orta məktəbdə görkəmli hərbi xadim, Azərbaycanın ilk milli atıcı diviziyasının komandiri Cəmşid Cəfərqulu oğlu Naxçıvanskinin anadan olmasının 120 illik yubileyinə həsr olunmuş “dəyirmi-masa”keçirildi.Tədbirdə əvvəlcə xalqımızın ümummilli lideri Heydər Əliyevin və Azərbaycanın müstəqilliyi, ərazi bütövlüyü uğrunda şəhid olanların xatirəsini bir dəqiqəlik sükutla yad ediblər. “Dəyirmi-masa” da məktəbin direktoru L.Məmmədova,tərbiyə işləri üzrə direktor müavini N.Səmədova,GÇQH rəhbəri E.Şükürov,tarix müəllimi E.Paşayeva,digər fənn müəllimləri və şagirdlər iştirak edirdi.Tədbiri giriş sözü ilə açan məktəbin direktoru Leyla Məmmədova,Cəmşid Naxçıvanskinin bacarıqlı sərkərdə kimi şərəfli döyüş yolu keçməsindən və Azərbaycanın müstəqilliyi uğrunda aparılan mübarizələrdə göstərdiyi şücaətlərlərdən ,milli hərb sənəti tarixinə dəyərli töhfələr verməsindən bəhs etdi. Onun ölkədə yüksək ixtisaslı hərbçi kadr hazırlığı sahəsində zəngin fəaliyyəti barəsində məlumat verdi.Çıxışa davam edən GÇQH rəhbəri ,Elxan Şükürov C.Naxçıvanskinin həyat və fəaliyyətindən geniş sohbet açdı.Sonda C.Naxçıvanskinin həyat və fəaliyyəti haqqında sənədli film təqdim edildi.
