ƏLİFBA BAYRAMI
“Əlifba bayramı” hər bir uşağın həyatında əlamətdar bir hadisədir. Bu münasibət ilə may ayının 3-də məktəbin 1 "b" sinfinin sinif rəhbəri Elnurə Rzayeva şagirdər ilə birgə "Əlifba bayrami" adlı bayram tədbiri təşkil etdi. Birincilər bu gün həyatda ən vacib addımlardan birini atdılar. Onlar artıq hərfləri tanıyır və sərbəst oxuyurlar.Bu bayramın keçirilməsi məktəbdə mühüm bir hadisədir. “Əlifba bayramı”nın qeyd edilməsi məktəbdə gözəl bir ənənəyə çevrilib. Biz birincilərin birinci dəfə səhnədə tamaşaçılar qarşısında çıxışlarının şahidi olduq.Məktəbə yenicə qədəm basmış birincilər böyük inam və sevinclə müəllim və valideynləri qarşısında çıxış etdilər. Valideynlərə övladlarının böyük auditoriya qarşısında çıxışına tamaşa etmək çox xoş idi.Bayram çox təntənəli və maraqlı keçdi. Uşaqlar oxumaq bacarıqları ilə yanaşı, vətənin sərvətləri və adət-ənənələrini necə gözəl öyrəndiklərini də nümayiş etdirdilər. Axı həyatda oxumaqla yanaşı, öyrənməli çox şeylər var.Tədbirdə məktəbdə təhsil alan bütün birincilər iştirak etdilər. Onlar müxtəlif mahnılar oxuyub, şeirlər söyləyib, rəqs etdilər.
