1 Mart-Ümumdünya Mülki Müdafiə Günü ilə əlaqədar tədbir keçirib
01.03.2017- ci tarixində məktəbdə 1 mart Mülki Müdafiə gününə həsr olunmuş maarifləndirmə xarakterli tədbir həyata keçirilib.Tədbirdə məktbin direktoru,müəllimlər və şagirdlər iştirak edirdi.Tədbiri giriş sözü ilə açan məktəbin GÇH fənnini tədris edən Elxam müəllim Dünya Mülki Müdafiə Təşkilatının yaranmasından və fəaliyyətindən bəhs edib. Bildirilib ki, BMT Baş Məclisinin qərarı ilə 1972-ci ildən etibarən hər il martın 1-i Dünya Mülki Müdafiə Günü kimi qeyd edilir və konkret bir mövzuya həsr olunur. Azərbaycan 1993-cü ildən təşkilatın üzvüdür və 1995-ci ildən bu gün ölkəmizdə bütün idarə və təşkilatlarda keçirilir. Beynəlxalq Mülki Müdafiə Təşkilatının qərarı ilə elan olunmuş bu gün hər il kütləvi humanitar tədbir kimi qeyd edilir.Məruzədən sonra tədbirin praktiki hissəsində fövqəladə hadisə zamani insanlara göstərilən ilk təcili tibbi yardim və texnogen mənşəli fövqladə hadisə zamanı göstərilən yardımlar şərti olaraq şagirdlərə nümayiş etdirildi.
