“UŞAQ HÜQUQLARI: İNKİŞAF VƏ PERSPEKTİVLƏR” ADLI TƏDBİR KEÇİRİLDİ
23 dekabr 2016-cı il tarixində Holiday İnn otelində Ailə, Qadın və Uşaq Problemləri üzrə Dövlət Komitəsi Nəsimi rayon İcra Hakimiyyəti ilə birgə Dövlət müstəqilliyinin 25-ci ildönümünə həsr edilmiş “Uşaq hüquqları: inkişaf və perspektivlər” adlı tədbir keçirildi.Tədbirin təşkil edilməsində məqsəd uşaqların öz hüquqları ilə bağlı qərarların qəbul edilməsində iştirakını təmin etmək, uşaq hüquqları ilə bağlı məlumatlılığın artırılması və onların hüquqlarının effektiv müdafiəsinin təmin olunması, həmçinin ictimaiyyətin diqqətinin uşaq hüquqlarının qorunmasına yönəldilməsidir. Tədbir Bakı şəhərinin bütün rayonları üzrə Komitə tərəfindən keçirilən tədbirlərdə və təlimlərdə aktivliyi ilə seçilən uşaqların iştirakı ilə təşkil olunub.Tədbirdə məktəbimizin 9"b" sinif şagirdi Kazımova Fatimə də iştirak etmişdi.Yekunda il ərzində Komitə tərəfindən həyata keçirilən layihələrə fəal qoşulan və uğurlu fəaliyyətinə görə seçilən uşaqlar mükafatlandırılıb.
