“Narkotiklərə - yox deyək”
03.03.2016-ci il tarixində “Narkotiklərə - yox deyək” adlı maarifləndirici tədbir keçirilmişdir. Tədbiri Narkomanlığa və narkotik vasitələrin qanunsuz dövriyyəsinə qarşı mübarizə üzrə dövlət komissiyasının işçi qrupu: rəhbər müavini Vasif Quliyev böyük referent Rafiq Allahverdiyev və Kənan Məmmədyarlı təşkil etmişdir. İcra başçısı Asif Əsgərov öz çıxışı ilə tədbirin təşkilatçılarına təşəkkür bildirib qeyd etmişdir ki, XXI əsr üçün bu ən tərbiyəvi tədbirlərdən biridir. Çünki bəşəriyyəti bürüyən “ağ ölüm” lə mübarizədə cəmiyyətin bütün üzvləri iştirak etməlidir. Nəsimi rayon İcra Hakimiyyəti ilə birgə keçirilən təlim- məşğələ 5 saat ərzində davam etmişdir. İcra Hakimiyyətinin əməkdaşları Hüseynov Emin, Kazımzadə Pərvanə və başqaları da tədbirdə iştirak etmişlər. Səhiyyə Nazirliyinin Narkoloji mərkəzin həkimi Pərvin Məmmədov , DİN-nin məkdaşı polkovnik Tanrıverdi müəllim mövzu haqqında çox dolğun məlumat vermiş , müxtəlif slaydlar nümayiş etdirilmiş və narkomaniyanın fəsadlarından söhbət açmışlar. Ailə , Qadın və Uşaq Problemləri üzrə Dövlət Komitəsinin üzvü Pərvanə xanım da çıxış etmiş, öz dəyərli məsləhətləri ilə gəncləri tövsiyələndirmişdir. Seminarın pedaqoji metodlarından biri də xüsusi maarifləndirici göstəricilərin , braşurların və disklərin paylanmasıdır. Bunlar məktəb şagirdlərinə paylanmışdır. 16-18.03.2016-cı il tarixində mövzu ilə bağlı məktəbin tərbiyə işləri üzrə direktor müavini Məlikova Aygün , kitabxana müdiri Useynova Zemfira və UBTR Quliyeva Aydan şagirdlərlə açıq söhbətlər aparmışlar. Video disk şagirdlərə nümayiş etdirildikdən sonra onların bu barədə fikirləri öyrənilmiş və sorğuları cavablandırılmışdır. Belə tədbirlərin keçirilməsi hər bir ziyalının vətəndaşlıq borcudur. Bu cür tədbirlər gəncləri pis vərdişlərdən uzaqlaşdırır, onları dözümlü və inadlı olmağa şövq edir. Onlar düzgün istiqamətləndirmə nəticəsində dövlət və cəmiyyət üçün gərəkli olduqlarını bir daha sübut edirlər.
