“Heydər Əliyev irsini öyrənirik”
10.02.2016-ci il tarixində Bakı şəhəri Təhsil İdarəsinin xətti ilə “Heydər Əliyev irsini öyrənirik” adlı maarifləndirici dərs saatında məktəbin Azərbaycan bölməsinin 11-ci sinif şagirdləri iştirak etmişlər. Dərs saatı ümumilli liderin keçdiyi məşəqqətli həyat yoluna həsr olunmuşdur. Bu tədbirdə şagirdlər H.Əliyev irsinə aid çox dəyərli məlumatlar əldə etmişlər. Video layihə dahi şəxsiyyətin bütün ömür yolunu dərin işıqlandırmışdır. Tədbirin musiqi hissələrində gənc istedadlar öz məharətlərini nümayiş etdirmişlər. Bu dərs saatından şagirdlər çox tərbiyəvi, maarifləndirici və tarixi məlumatlarla bəhrələnmişlər. Tədbirin təşkilatçıları Təhsil İdarəsinin nümayəndələri Həcər Həsənova və Sədaqət Musayeva şagirdlərin belə tədbirlərdə fəal iştirak etdiklərini də bildirmişlər. Nəsimi rayon İcra Hakimiyyətinin nümayəndəsi Hüseynov Emin dərs saatına dəvət olunmuşdur.
