Səməd Vurğunun 110 illik yubileyi ilə əlaqədar tədbirlər keçirilir
Azərbaycan Xalq şairi S.Vurğunun 110 illik yubileyi ilə əlaqədar məktəbdə müxtəlif istiqamətlərdə tədbirlər keçirilir. Bununla əlaqədar “təbiət ilhama çağırır məni!” adlı foto sərgi təşkil olunmuşdur. "Azərbaycan” şeirinin video layihəsi şagirdlərə nümayiş etdirilmişdir. “Şair nə tez qocaldın sən!” adlı şeir kompozisiyasının hazırlıq mərhələsi aparılır. Şairin ev muzeyi ilə uzun illərdir ki, müqavilə imzalanmışdır. Bir sıra tədbirlər muzeyin əməkdaşları ilə birgə keçirilmişdir. 11.02.2016-cı il tarixində muzeyin işçisi Nazilə Qədimova şairin həyat və yaradıcılığı, onun övladları və əsərləri haqqında məlumat vermişdir. Məruzəçi Nazilə xanım şagirdləri maraqlandıran suallara da dolğun cavab vermişdir. Məruzələr həm Azərbaycan, həm də rus dilində oxunmuşdur. Xalq şairinin mart ayında doğum günü qeyd olunacaq və bu mövzu ilə əlaqədar dəyirmi masa da təşkil olunacaqdır. Muzeyin direktoru Nüşabə Vəkilovaya belə əməkdaşlığa görə minnətdarlığımızı bildiririk.
