Bəşəriyyət - "Ağ ölüm"
26.12.2017-ci il tarixində məktəbimizdə Nəsimi rayonu İcra Hakimiyyətinin təşkil etdiyi “Narkomaniyaya yox deyək!” adlı maarifləndirici tədbir keçirildi. Tədbirdə İcra başçısının müavini Anar müəllim çıxış etmiş, bu bəladan qurtulmağın yollarını şagirdlərə izah etmişdir. Nəsimi rayon Polis İdarəsinin rəisi M.Musayev, polis mayoru F.Əsədov, yetkinlik yaşına çatmayanlar üzrə inspektor - polis kapitanı L.Kazımova valideyn, müəllim və şagirdlərə dəyərli məsləhətlər vermişlər. Tədbirdə Səhiyyə Nazirliyinin ictimai səhiyyə və islahatlar mərkəzinin mütəxəssisi Ş.Mirzəzadə və həkim narkoloq bu mövzunun fəsadlarını tibbi nöqteyi-nəzərdən izah etmişlər. Qarabağ veteranı A.Quliyev şagirdlərə vətənpərvər olmağı, Azərbaycanın gələcək əsgərinə möhkəm iradə arzulamışdır. Tədbirin sonunda videoçarxlar nümayiş etdirilmiş, mövzu daha da ətraflı, dolğun xarakter almışdır. Tədbir iştirakçılarına tövsiyəedici, maarifləndirici broşurlar paylanmışdır.
