Gözəllik və həqiqət şairi
15.11.2017 –ci il tarixində məktəbin kitabxanasında Molla Pənah Vaqifin 300 illik yubileyinə həsr olunmuş “Gözəllik və həqiqət şairi” adlı dəyirmi masa keçirilmişdir. Məktəbin həm azərbaycan , həm də rus bölməsinin şagirdləri iştirak etmiş, şairin həyat və yaradıcılığını əks etdirən referatlar tərtib etmişlər. Şairin lirik şeirləri də səslənmiş, onun ictimai – siyasi işlərindən də danışmışlar. S.Vurğunun “Vaqif” dramından hissələr söylənmiş və mövzu ilə bağlı film nümayiş etdirilmişdir. Tədbirin iştirakçıları tərbiyə işləri üzrə direktor müavini Məlikova Aygün , kitabxana müdiri Useynova Zemfira və UBR Quliyeva Aydan mövzu ilə bağlı dəyərli məlumatlar da vermişlər.
