Yaddaşlarda qalan şair
10 noyabr 2017 –ci il tarixində məktəbimizin bir qrup şagirdləri Mərkəzləşmiş kitabxana sisteminin filialı olan M.Seyidzadə adına uşaq kitabxanasında şairin 110 illik yubileyinə həsr olunmuş tədbirdə fəal iştirak etmişlər. Şagirdlər ədibin həyat və yaradıcılığından danışmış, şeirlər , qəzəllər söyləmiş, kiçik bir Təmsili ( “Tülkü və sərçə ) səhnələşdirmişlər. Tədbirin təşkilatçısı kitabxana müdiri Useynova Zemfira sinif rəhbərlərinə , valideynlərə və kütləvi kitabxananın əməkdaşlarına minnətdarlıq etmişdir. Valideynlər belə tədbirlərin uşaqların tərbiyəsində , mütaliənin inkişaf etdirilməsində və nitqin təkminləşdirilməsində böyük rol oynadığını qeyd etmişlər. Tədbirdə şairin qohumları , jurnalistlər və digər kütləvi kitabxanaların əməkdaşları iştirak etmiş və şagirdlərin çıxışını qiymətləndirmişlər. Tədbirdə şairin rus dilinə tərcümə edilmiş şeirləri səslənmişdir.
