Ana , mən sənə rahibəm itaətdə!
Aprel 28 . 2017 –ci il tarixində tanınmış oftalmoloq Z.Əliyevanın doğum günü ilə bağlı “Ana , mən sənə rahibəm itaətdə!” adlı dəyirmi masa təşkil edilmişdir. Tədbirdə məktəbin müəllim və şagird kollektivi fəal iştirak etmişlər. Mövzu ilə bağlı “Ana” ya həsr olunmuş şeirlər səslənmiş, aforizmlər söylənmişdir.Şagirdlər oftalmologiya sahəsində öz sözünü demiş alimlər haqqında referat yazılar hazırlamışlar. Mövzunu əyani izah etmək məqsədilə kitab və foto sərgisinin təşkili kollektivin marağına səbəb olmuşdur.Z.Əliyevanın simasında Azərbaycan qadınlarına aid maraqlı slayd nümayiş etdirmişlər. Sözləri Fiktrət Qocanın , musiqisi Sevil Əliyevaya məxsus “Əziz anam” mahnısını tədbir iştirakçıları böyük həvəslə ifa etmiş və duyğusal olmuşlar. Tədbirin təşkilatçıları : kitabxana müdiri Useynova Zemfiraya, direktor müavini Məlikova Aygünə və UBR Quliyeva Aydana məktəb direktoru Rzayeva Elida öz təşəkkürünü bildirmiş, maarifləndirici tədbirin pedaqoji əhəmiyyətindən danışmışdır. Mövzu ilə bağlı xatirə günü 25.04.2017 –ci il tarixində Elmi – Pedaqoji Kitabxanada da qeyd olunmuşdur. Təhsil Nazirliyinin xətti ilə təşkil olunmuş kitabxanaçılar üçün keçirilən seminarda kitabxana müdiri Useynova Zemfira mühazirəçi kimi çıxış etmiş, kitabxananın əməkdaşları ilə birlikdə xatirə günü qeyd etmişlər. Elmi- Pedaqoji Kitabxananın müdiri Tamilla xanım maraqlı mühazirəyə görə Zemfira xanıma təşəkkürünü bildirmişdir.
