Şəhidlər ölməz, Vətən bölünməz !
Noyabrın 6-da məktəbin ibtidai sinifləri Vətən müharibəsində şəhid olan Azərbaycan Silahlı Qüvvələri hərbi qulluqçularının dəfn olunduğu xiyabanı ziyarət etmişlər. Onlar burada Azərbaycanın Milli Qəhrəmanları general-mayor Polad Həşimovun, Mübariz İbrahimovun və İkinci Qarabağ müharibəsi zamanı şəhid olmuş digər vətən oğullarının məzarlarını ziyarət etmişlər. Ziyarətin məqsədi şagirdlərə tariximizi, Milli Qəhrəmanlarımızı tanıtmaq, onların xatirəsini böyük ehtiramla yad etməkdən ibarət olub. Şagirdlər, müəllimlər və valideynlər şəhidlərimizin əziz xatirəsini bir dəqiqəlik sükutla yad edib, məzarları üzərinə gül dəstələri qoyublar. Onlar eyni zamanda vətənə, onun bütövlüyü uğrunda canlarından keçən şəhidlərə aid şeirlər söyləyib,"Şuşa Qarabağın tacıdır!", "Qarabağ Azərbaycandır!", "Şəhidlər ölməz, Vətən bölünməz ! " şüarlarını səsləndirmişlər.
