Şagirdlərimiz Heydər Əliyev Mərkəzində oldular
Oktyabrın 23-də məktəbimizin 5 "B", 4"A", 6"A" sinifləri, sinif rəhbərləri B.Pərvanə, E.Natavan, X.Lamiyə, məktəbin Uşaq Birliyi Təşkilatı Rəhbəri H.Vüsalə ilə birlikdə Heydər Əliyev Mərkəzində ekskursiyada oldular. Mərkəzin əməkdaşı şagirdlərə ölkəmizdə ictimai-sabitliyin qorunmasının , mövcud iqtisadi inkişafın, hərtərəfli tərəqqinin təməlində Ümummilli lider Heydər Əliyevin inkişaf strategiyası və Ulu Öndərin müəyyənləşdirdiyi daxili və xarici siyasət xəttinin dayandığı böyük bir həyat yolu haqqında maarifləndirici məlumatlar vermişdir. Məktəbin şagirdləri müdrik şəxsiyyət, dahi lider Heydər Əliyevin zəngin həyat yolu və müstəsna fəaliyyətlərindən, milli neft strategiyasının uğurla reallaşdırılması nəticəsində xalqını, öz təbii sərvətlərinin tam sahibinə çevirməsindən, ana dilinə dövlət qayğısından, eyni zamanda mərkəzdə olan dahi liderin istifadə etdiyi şəxsi əşyaları seyr etmiş, dəyərli məlumatlar toplamış, bir daha Azərbaycan tarixini daha dərindən mənimsəmişlər.
