ÖLÜM VAR ÖLÜM KİMİ ÖLÜM VAR ZÜLÜM KİMİ
26 Fevral Xocalı soyqırımının 25-ci ildönümü ilə əlaqədar məktəbin dəhlizi stendlər, divar qəzetləri və rəsm işləri ilə bəzədilmişdir. Məktəbin kitabxanasında 23.02.2017 –ci il tarixində kitabxana müdiri Useynova Zenfira tərəfindən “Dəyirmi masa” keçirilmişdir.Mövzu ilə əlaqədar 24.02.2017 –ci il tarixində səhər tezdən məktəbin radio qovşağı vasitəsilə Xocalı faciəsi haqqında kiçik reportaj verilmişdir. Təşkilatçı Məlikova Aygün, Azərbaycan dili və ədəbiyyat müəllimi Tağıyeva Şəfəq, ibtidai sinif müəllimi Şükürova Zərifə və UBR Quliyeva Aydan tərəfindən “25 il Xocalısız” adlı ədəbi-bədii gecə hazırlamışlar. Gecədə şagirdlər tərəfindən bayatılar , şeirlər və kompozisiyalar göstərilmişdir. Həmin gün məktəb üzrə bütün ilk dərs saatları Xocalı soyqırımına həsr olunmuşdur. 26.02.2017 –ci il tarixində məktəbin müdriyyəti və müəllimlər Xocalı faciəsinə həsr olunmuş ümumxalq yürüşündə iştirak etmişlər.
