Nizami Gəncəvi 875 illik yubileyinə həsr olunmuş “Şərq poeziyasının günəşi” adlı ədəbi –bədii gecə
21 dekabr 2016 –cı il tarixində məktəbimizdə dahi Azərbaycan şairi N.Gəncəvinin 875 illik yubileyinə həsr olunmuş “Şərqin sönməz günəşi” adlı ədəbi – bədii gecə keçirilmişdir. Tədbirin daha canlı olması üçün rəqslərdən, “Yeddi gözəl” baletindən istifadə edilmişdir. Lirik şeirlər və səhnələşdirilmiş hissələr tamaşaçıların zövqünü oxşamışdır. Bu tədbirdə 31 Dekabr Dünya Azərbaycanlılarının Həmrəyliyi Günü də qeyd olunmuşdur. Mövzularla bağlı təşkil olunan kitab sərgisi, stendlər, “Bakı gecələri” və “Köhnə Bakı” tədbirə yaraşıq gətirmişdir. Məktəbin direktoru Rzayeva Elida tədbirin təşkilatçılarını – Tağıyeva Şəfəq, Useynova Zemfira ,Quliyeva Aydan və Məlikova Aygünə minnətdarlığını bildirmişdir. Valideynlər və dəvət olunmuş qonaqlar belə tədbirlərin pedaqoji əhəmiyyətindən söhbət açmışlar. Yubileylərə və tarixi günlərə həsr olunmuş tədbirlər məktəbdə mütəmadi təşkil olunur.
