18 Oktyabr Dövlət Müstəqilliyimizin 25 illiyidir!
18 Oktyabr 2016 –cı il tarixində məktəbdə müxtəlif istiqamətlərdə tədbirlər keçirilmişdir. Kitabxanada “Müstəqilliyimiz əbədidir!” adlı dəyirmi masa keçirilmişdir. Tədbirdə tarix müəllimi Məmmədbəyova Leyla mövzunu ətraflı izah etmişdir. Şagirdlər referat yazılarla öz fikirlərini söyləmişdir. Məlikova Aygün, Useynova Zemfira 25 ildə Azərbaycanın əldə etdikləri uğurlardan danışmış, Azərbaycanın dünyanın hər yerində tanınmasından , beynəlxalq yarışların keçirilməsindən də söhbət açmışlar. Mövzu ilə bağlı slaydlar nümayiş etdirilmişdir. Rəsm sərgisi , divar qəzetləri , guşələr təşkil olunmuşdur. “Müstəqillik yolunda addımlayırıq” adlı şeir müsabiqəsi keçirilmişdir. Müsabiqədə B. Vahabzadənin , T.Bayramın , N.Xəzrinin , S.Rüstəmin , S.Vurğunun , M.Dilbazinin şeirlərindən istifadə edilmişdir. “İstiqlal” muzeyi və Azərbaycan tarixi muzeyinə ekskursiya təşkil olunmuşdur.
