“Xalqın qəlbində yaşayan müdrik nəsil” adlı dəyirmi masa
06.05.2016-cı il tarixində məktəb kitabxanasında “Xalqın qəlbində yaşayan müdrik nəsil” adlı dəyirmi masa təşkil edilmişdir. Tədbir Ümummilli lider H.Əliyevin 93-cü ildönümünə həsr edilmişdir. Tarix müəllimi Həsənov Çingiz liderin həyat yolundan danışmış, şagirdlərə dəyərli məsləhətlər də vermişdir. H.Əliyevin keçdiyi məşəqqətli yol “Sən elə bir zirvəsən” adlı slaydda öz əksini tapmışdır. Kitabxana müdiri Useynova Zemfira görkəmli oftalmoloq Zərifə xanımdan da söhbət açmışdır. Leyla Əliyeva tərəfindən yazılmış “Elegiya” səslənmişdir. H.Əliyev və Zərifə Əliyevanın birgə addımladığı ömür kitabəsi vərəqlənmişdir. Mövzu ilə əlaqədar stend, guşə, kitab sərgisi nümayiş etdirilmişdir. Şagirdlər tərtibatlı referat yazıları oxumuş, sualları ətraflı cavablandırmışlar. Tərbiyə işləri üzrə direktor müavini Məlikova Aygün tədbirin həm tarixi, həm də pedaqoji əhəmiyyətindən məlumat vermişdır. Dəyirmi masada Azərbaycana, H.Əliyevə və vətənpərvərlik mövzusuna aid yazılmış şeirlər səslənmışdır. 10.05.2016-cı il tarixində 1-ci dərslər H.Əliyevin 93-cü ildönümünə həsr olunmuşdur. I-XI sinif şagirdlərinə tövsiyələr verilmiş , ümummilli liderin həyatı şagirdlər üçün önəmli olduğundan danışılmışdır. Gül kompozisiyalarından ibarət rəngarəng rəsm sərgisi də məktəb kollektivinin sevincinə səbəb olmuşdur.
