71 №-Lİ TAM ORTA MƏKTƏB

       2023/2024-cü tədris ili üzrə məktəbin Fəaliyyət Planına əsasən, təhsilalanların inkişaf dinamikasının izlənilməsi məqsədilə vaxtaşırı müşavirələr keçirilir. 24/04/2024-cü il tarixdə keçirilmiş bu dəfəki direktoryanı müşavirədə isə, 9-cu siniflərin buraxılış imtahan nəticələri ilə bağlı müzakirə olmuşdur.
Müzakirədə məktəbin direktoru Yasin Quliyev, təlim-tərbiyə işləri üzrə direktor müavini Zərifə Cəfərova və 9-cu siniflərdə  buraxılış fənlərini tədris edən müəllimlər iştirak etmişlər. Direktor müavini tərəfindən imtahan nəticələri üzrə aparılmış təhlillər və ümumi hesabat müşavirə iştirakçılarına təqdim edildi. Müzakirə zamanı nəticələrə görə, hər bir müəllimin fəaliyyəti ilə bağlı fikirlər söyləndi. Direktor Yasin Quliyev 2023/2024-cü tədris ili üzrə buraxılış imtahanında əvvəlki illərin nəticələrinə nisbətən daha yüksək nəticəyə görə, müəllimləri təbrik etmiş və onlara uğurlar arzulamışdır. Eyni zamanda şagirdləri zəif nəticə göstərən müəllimlərə iradını bildirərək müvafiq göstərişlər vermişdir və problemin həlli yolları ilə bağlı geniş çıxış etmiş,məktəbdə  əlverişli təlim və inkişaf mühitinin təmin edilməsi, məktəbin fəaliyyətində səmərəliliyin artırılması üçün sistemli işin aparılması və məktəbin idarəetmə məsələləri ilə bağlı fikirlərini bildirmişdir. Eyni zamanda təhsilin bütün meyarlar üzrə müasir tələblər səviyyəsinə qaldırılmasının və səmərəli idarəetmənin rolunun artırılmasının əsas hədəflərdən biri olduğunu qeyd edən direktor təhsilverənlərin fəaliyyət keyfiyyətinin artırılması, müəllim-şagird və müəllim-valideyn münasibətlərinin tənzimlənməsi kimi məsələləri də müzakirə edərək müvafiq tövsiyə və tapşırıqlar verib.

       Asudə vaxtın səmərəli təşkili məqsədi ilə 5d sinif şagirdləri sinif rəhbərləri ilə birlikdə "18 aprel -Abidələr günü" ilə bağlı ekskursiya ediblər. Sinif rəhbəri İmanova Şəhanənin  rəhbərliyi ilə Mərdəkan qəsri və Tuba şah Məscid kompleksinə ekskursiyaların təşkil edilməsində əsas məqsəd şagirdlərdə dünyagörüşünün formalaşmasına, onlarda  milli, mədəni abidələrimizə qayğı hissinin aşılanmasına nail olmaq və irsimizi, tarixi keçmişimizi, milli mənsubiyyətimizi özündə əks etdirən bu cür muzeylərin eksponatları ilə onları yaxından tanış etməkdir.
    Ekskursiya şagirdlərin yaddaşında gözəl təəssüratlarla qalıb.

       2023-2024-cü tədris ilinin lX siniflər üzrə buraxılış imtahanlarında məktəbimizin şagirdlərindən 23 nəfəri 200 baldan yüksək nəticə göstərmişdir. 9 a sinfindən Göyüşova Aydan 287 bal toplayaraq, məktəb üzrə birincilik qazanmışdır.
   Şagirdlərimizin uğurlarına çox sevinərək məktəbin direktoru Yasin Quliyev başda olmaqla bütün kollektivimiz adından onları təbrik edirik və qarşıdakı imtahanlarda da uğurlar arzu edirik.

1.Göyüşova        Aydan   Rizvan     9 A--287
2.Sadıqova         Nuray    Seymur   9 B--273
3.Qarayeva         Sənəm  Namik     9 A--265
4.Əkbərova         Firəngiz Rövşən   9 Ə--262
5.Qarakişiyeva   Zəhra      İlqar        9 B--253
6.İmaməliyeva   Minayə   Sahil       9 A--249
7.Nəsirova         Fidan        İlkin        9 E--246
8.Mirəliyeva       Zəhra        Rauf       9 B--244
9.Aşırov              Ümid         Vüqar     9 E--243
10.Əlizadə          Şövkət      Elnur      9 Ə--237
11.Cəfərli            Nursel      Rabil       9 Ç--236
12.Cəfərov     Bəxtiyar  Taryeloviç   9 D--234
13.Həsənli          Ələmdar    Ramin   9A--229
14.Cəfərli             Elmira       Ramil    9 B--227
15.Əlizadə           Zəhra        Səməd  9 A--224
16.Xəlilli               Fərid          Fariz     9 A--224
17.Mirzəli             Azərin       Qalib    9 D--223
18.Məmmədli      Zəhra        Mahir   9 E--218
19.İsmayılova      Ayan          Anar    9 B--218
20.Əlili                   Elbrus      Şahin    9 B--217
21.Məmmədov    Elcan       Elnur    9 Ç--213
22.Sultanlı            Nahidə     Vüsal   9 D--210
23.Abdullayev      Hüseyn     Fariz   9 Ç--201

       Gənclər və İdman Nazirliyi, Bakı Abadlıq xidmətinin təşkilatçılığı, AFFA-nın dəstəyi ilə keçirilən Bakının 32 kənd və qəsəbəsinin uşaq futbol komandaları arasında keçirilən futbol turnirində iştirak edən "Zabrat" komandası qrup mərhələsində inamla çıxış edərək 8/1 mərhələsinə vəsiqə qazanmış və 21/04/2024-cü il tarixdə keçirilən oyunda maştağalı həmyaşıdlarına qalib gələrək 4/1 final mərhələsinə keçmişlər. Xatırladaq ki, komandanın baş məşqçisi məktəbimizin Fiziki tərbiyə müəllimi Elmar İmanovdur.
Bu münasibətlə Elmar müəllimi təbrik edir və növbəti mərhələdə ona və şagirdlərimizə uğurlar arzu edirik.

       22/04/2024-cü il tarixdə 2023-2024-cü tədris ili üzrə təlim-tərbiyə işləri üzrə direktor müavininin Tədbirlər Planının müvafiq bəndi üzrə V siniflər üçün monitorinq keçirilmişdir. Monitorinq elektron qaydada, üç buraxılış - Azərbaycan dili, Riyaziyyat, İngilis dili fənləri üzrə keçirilmişdir. Nəzarətçi müəllimlərin iştirakı ilə keçirilən monitorinq sona qədər məktəb direktoru və təlim-tərbiyə işləri üzrə direktor müavininin nəzarəti altında şəffaf şəkildə həyata keçirilmişdir.