187 №-Lİ TAM ORTA MƏKTƏB

24 aprel 2024-cü il tarixində “Valideynlərin məktəbdə bir günü“ lahiyəsi çərçivəsində  açıq qapı günü təşkil edildi. Açıq qapı günündə valideynlər öz övladlarının dərslərini dinlədilər, psixoloqların seminarlarında iştirak etdilər. Məktəbin psixoloqları Arzu Əliyeva və Aytac Həsənova valideynlərin məktəbdə bir günü çərçivəsində risk qrupuna daxilolma ehtimalı olan şagirdlərin valideynləri ilə növbəti görüş keçirdilər. Məktəbin həkimi İlkanə Xudaverdiyeva valideynlərlə  şagirdlərin gigiyenası ilə bağlı söhbət apardı. Valideynlər dahi şairimiz Məhəmməd Füzulinin  530 illik yubileyinə həsr olunmuş  tədbirdə də iştirak etdilər. Günün sonunda  məktəbin akt zalında  məktəb rəhbərliyi valideynlərlə görüş keçirildi. Valideynlərə şagirdlərin davamiyyəti, məktəbli geyimi , məktəbin nailiyyətləri və  qarşıda olan hədəflərdən danışıldı. Görüşün sonunda Maştağa qəsəbəsində yerləşən 13 nömrəli peşə liseyindən gələn əməkdaşlar təhsil müəssələrindəki  peşələr haqqında valideynlərə məlumat verdilər.

Hər bir şəxs hər gün müxtəlif yollardan istifadə edir.Xüsüsəndə piyada yollardan məktəblilər daha çox istifadə etməsi  üstünlük təşkil edir.  Onların təhlükədən qorunmaq üçün yol hərəkəti qaydalarından xəbərdar olması mütləq vacibdir.  Buna görə də təhlükəsiz həyat üçün düzgün davranış vərdişlərinin erkən yaşlardan formalaşdırılmasına başlamaq mühümdür.

25 aprel 2024-cü il tarixdə məktəbin ibtidai sinif müəllimi Aynurə Mikayılzadənin  IV a  sinfi “Yol hərəkəti qaydaları”haqqında maarifləndirmə tədbiri təşkil etdilər. Tədbirdə məktəbin direktor vəzifəsini icra edən Məmmədova Gülnarə, təlim-tərbiyə işləri üzrə direktor müavini Turan Cəbiyeva, Elnarə Həsənova, Sabunçu rayon polis əməkdaşı Rafiq İsmayılov, Yol Patrul Xidmətinin əməkdaşı, məktəbin müəllim və şagird kollektivi iştirak edirdi. Tədbirdə şagirdlər yol nişanları  və düzgün yol qaydaları haqqında maraqlı məlumat verdilər. Bundan başqa rəqs və mahnı ilə tədbiri yekunlaşdırdılar. Tədbirin sonunda Sabunçu rayon polis əməkdaşı Rafiq ismayılov qeyd etdiki,  yol hərəkəti qaydalarını öyrənmək və tətbiq etmək hamıya lazımdır, çünki həyati təhlükəsizliyimiz bu istiqamətdəki bilgilərimizdən, məsuliyyətimizdən asılıdır. Yol hərəkəti qaydalarına əməl edək ki, özümüzü bədbəxt hadisələrdən qoruya bilək!

25 aprel 2024-cü il tarixdə məktəbdə “Füzuli yaradıcılığı və bədii irsi” mövzusunda həm rus bölməsi, həm də Azərbaycan bölmələrində təhsil alan şagirdlərlə dəyirmi masa keçirildi. Şagirdlər məktəbin müəllimləri Aynur Heydərova və Böyükxanım Qasımova tərəfindən keçirilən dəyirmi masa ətrafında Füzuli irsinin nəsr əsərləri, poemaları, qəzəlləri üzərində müzakirələr apardılar. Türk, ərəb, fars dillərində olan divanından parçalar səsləndirildi. Şairin “Şikayətnamə”əsərinin təhlilinə diqqət yetirildi.

Dahi Azərbaycan şairi Məhəmməd Füzulinin 530 illiyinin qeyd edilməsi haqqında məktəbin tədbirlər planına əsasən məktəbin kitabxanasında məktəbin Azərbaycan dili və ədəbiyyat müəllimi Gülcamal Hüseynlinin təşkilatçılığı və kitabxana müdiri Vüsalə Qədimovanın dəstəyi ilə 8b və 8f sinif şagirdlərinin iştirakı ilə “Böyük Qəlb Şairi Məhəmməd Füzuli” adlı adəbi-bədii kompozisiya keçirildi. Əvvəlcə şairin həyatı və yaradıcılığı haqqında məlumat verildi, sonra Leyli və Məcnun əsərindən səhnələr göstərildi. 8b sinif şagirdi Zəhra Sadıqovanın ifasında “Füzuli” kontatası səsləndi. VIII sinif şagirdlərinin rəsmləri sərgiləndi. Tədbirdə valideynlərdə iştirak etdilər. Çıxışlar maraqla qarşılandı

Tədbirin keçirilməsində məqsəd şagirdləri narkomaniya və psixotrop maddələrin yaratdığı problem və fəsadlar mövzusunda maarifləndirmək və onlar arasında sağlam həyat tərzini təbliğ etməkdən ibarət idi. Tədbirdə çıxış edən həkim İlkanə Xudaverdiyeva dövrümüzün ağır bəlasına çevrilən narkomaniyanın zərərlərindən, insan sağlamlığı üçün təhlükələrdən, eləcə də narkotik vasitələrə yaranan asılılıqdan və ölkəmizdə narkomanlığa qarşı aparılan mübarizədən danışdı. Məktəbin direktor vəzifəsini icra edən Gülnarə Məmmədova öz çıxışında qeyd etdi ki, narkotik vasitələrdən istifadə edən hər bir şəxs uğurlu gələcəyindən imtina etməklə, cəmiyyətdə həmişə geridə qalır və aludəçiliyin, zərərli təsirlərin fəsadlarından qurtula bilmir. Gəncləri daha düzgün və uğurlu yola yönləndirmək valideynlərdən və əsasən də müəllimlərdən asılıdır. Sonda məktəbliləri maraqlandıran suallar cavablandırdı, narkomaniyanın törətdiyi fəsadları özündə əks etdirən videoçarx nümayiş etdirdi.