17 №-li tam orta məktəb

  Azərbaycan Respublikasınin Elm və Təhsil Nazirliyi yanında ,,Məktəblinin dostu”layihəsinin əməkdaşları Aysun Ağayeva və Gülgəz Bəndəliyeva 06 mayda 17 nömrəli tam orta məktəb 5,,A”,5,,B”,5,,C” və 5,,Ç” sinif şagirdlərinin iştirakı ilə,,Kibertəhlükəsizlik”mövzusunda maarifləndirici təlim keçirildi.Təlim zamanı Aysun xanım şagirdlərə kibertəhlükəsizlik qaydaları,uşaqların internetdən necə təhlükəsiz istifadəetmələri,şifrələriniz nə qədər etibarlıdır və sosial şəbəkələrdə təhlükəsizlik haqqında şagirdlərə geniş məlumat verdi.Şagirdləri maraqlandıran suallar cavablandırıldı.

   BŞTİ-nin 2023/2024 –cü tədris ilinə dair Fəaliyyət Planının 3.2 və 3.4 bəndinə əlavə olaraq “Dilimizi qoruyaq” layihəsi ilə bağlı 06 mayda rus dili müəllimi Sevinc Pur-Riza tərəfindən 6,,B” sinif şagirdlərinin iştirakı ilə milli filmlərdən olan ,,Ögey ana” filminə baxış və müzakirəsi təşkil edilmişdir. Şagirdlər filmi təhlil edən zaman öz çıxışlarında ana dilimizin qorunmasının vacibliyini vurğuladılar. Ana dilinin hərtərəfli inkişafı, dövlət dilinə çevrilməsi, diplomatiya aləminə yol açması, dünyanın ən mötəbər tədbirlərində eşidilməsi qürurvericidir. Çünki dil təkcə ünsiyyət vasitəsi deyil, həm də xalqın tarixi, ədəbiyyatı, mədəniyyətidir.Ümummilli liderimiz Heydər Əliyevin dediyi kimi:“Dil ədəbiyyatla, mədəniyyətlə, mənəviyyatla bağlıdır. Bunlarsız isə vətənpərvərlik formulu yoxdur".Ana dilimizi qorumaq, inkişaf etdirmək və gələcək nəsillərə ötürmək hər bir azərbaycanlının müqəddəs və mənəvi borcudur.

  BMT-nin İqlim Dəyişikləri üzrə çərçivə konvensiyasının tərəflər konfransının 29-cu sessiyasının(COP29),Kioto protokolunun tərəflər görüşünün 19-cu sessiyasının və Paris sazişinin tərəflər görüşünün 6-cı sessiyasının təşkil eilməsi ilə bağlı 2024-cü il üçün Azərbaycan Respublikası Elm və Təhsil Nazirliyinin tədbirlər planının icrasına əsasən,17 nömrəli tam orta məktəbdə cöğrafiya müəllimi Könül Səfərova tərəfindən 9,,D” sinif şagirdlərinin iştirakı ilə ,,İşğal altında olmuş torpaqlarda törədilən  ekoloji terror”mövzusunda seminar dərs təşkil edildi.Könül müəllim Ermənistanın Qarabağ ərazisində törətdiyi ekoloji terror  haqqında geniş məlumat verdi. Bu terrorun nəticəsində əvvəllər işğalda olan ərazilərdə flora və faunasına zərər yetirilib və təbii sərvətlər məhv edilib. Ermənistanın Qarabağda və işğaldan azad olunmuş digər ərazilərimizdə törədilən ekoloji terroru məqsədli şəkildə baş verib. Həmin ərazilərimizdə nadir fauna və floraya malik meşə sərvətləri, çox qiymətli su mənbələri var. Erməni işğalçı qüvvələri Azərbaycanın təbii sərvətlərini bacardıqca tükəndirməyi qarşılarına ən ali məqsəd kimi qoymuşlar.Sonra şagirdlər hazırladıqları təqdimatlarla çıxış etdilər və sonda ekoloji terrorla bağlı sənədli film nümayiş olundu.

  BMT-nin İqlim Dəyişikləri üzrə çərçivə konvensiyasının tərəflər konfransının 29-cu sessiyasının(COP29),Kioto protokolunun tərəflər görüşünün 19-cu sessiyasının və Paris sazişinin tərəflər görüşünün 6-cı sessiyasının təşkil eilməsi ilə bağlı 2024-cü il üçün Azərbaycan Respublikası Elm və Təhsil Nazirliyinin tədbirlər planının icrasına əsasən,17 nömrəli tam orta məktəbdə cöğrafiya müəllimi Mehriban Əliyeva tərəfindən 9,,B”və 9,,Ç” sinif şagirdlərinin iştirakı ilə ,,İqlim dəyişikliyi”mövzusunda mühazirə təşkil edildi.Mehriban müəllim qlobal iqlim dəyişikliyi haqqında məlumat verdi.Şagirdlər hazırladıqları təqdimatlarla çıxış etdilər. İqlim dəyişiklikləri və onların canlı aləmə təsiri dünya birliyini getdikcə daha çox narahat etməkdədir. Qeyri-sabit hava şəraiti tək Azərbaycanda deyil dünyanın bir sıra ölkələrində hiss olunmaqda və problemlər yaratmaqdadır. Bu problemlərə diqqətin artması özünü bir sıra beynəlxalq tədbirlərin, o cümlədən elmi və praktiki konfransların (COP 29) keçirilməsində göstərir.Sonda iqlim dəyişikliyinə həsr olunmuş sənədli film nümayiş olundu.

  BMT-nin İqlim Dəyişikləri üzrə çərçivə konvensiyasının tərəflər konfransının 29-cu sessiyasının(COP29),Kioto protokolunun tərəflər görüşünün 19-cu sessiyasının və Paris sazişinin tərəflər görüşünün 6-cı sessiyasının təşkil eilməsi ilə bağlı 2024-cü il üçün Azərbaycan Respublikası Elm və Təhsil Nazirliyinin tədbirlər planının icrasına əsasən,17 nömrəli tam orta məktəbdə“Yaşıl sinif”lərdə,, Ədəbiyyat, Kimya, STEAM,Texnologiya və Rəsm”dərsləri fənn müəllimləri Tacirə Axundova,Kəmalə Zamanova,Xəyalə Cəfərova,Rəhniman Dəmirçiyeva və Mərcanə Qurbanova tərəfindən təşkil edildi.Dərslərdə məktəbin direktoru Nazilə Əliyeva,TT işləri üzrə direktor müavini Bəturə Sanıyev iştirak edirdilər.Açıq havada  inteqrasiya edilmiş dərslər  şagirdlər tərəfindən çox maraqla qarşılandı.