Zərərli vərdişlərə yox deyək
Bugün Binəqədi rayonu Həsən Cəbrayılov adına 99 nömrəli tam orta məktəbdə məktəbin psixoloqu Əlizadə Nərgiz və UBTR-i Aynurə Nərimanova məktəbin VII və VIII sinif şagirdləri arasında " Zərərli vərdişlərə yox deyək " adlı maarifləndirici seminar keçirdi.Seminarda müəllimlər, şagirdlər, məktəb rəhbərliyi iştirak etdi.
Nərgiz xanım şagirdlərə zərərli vərdişlər, onların orqanizmdə törətdiyi fəsadlar, bu vərdişlərdən qurtulma yolları haqqında məlumat verdi. Daha sonra uşaqlara hazırladığı sualları təqdim etdi və aktiv müzakirə açdı.Nərimanova Aynurə isə uşaqlara mövzu ətrafında tövsiyyələrini bildirdi, valideyin, məktəb, şagird üçbucağının düzgün qurulmasına toxundu.
Sonda iştirakçıları maraqlandıran suallar dolğun şəkildə cavablandırılıb. Həmçinin tədbirdə iştirak edənlərə zərərli vərdişlərin törətdiyi fəsadları özündə əks etdirən videoçarx nümayiş olunub.
