“Yurdumuza bahar gəlir”
Xalqımızın uzaq qədimlərdən bu günədək sevə-sevə qeyd etdiyi bayramlardan biri də Novruz bayramıdır. Novruz bayramı birlik, qardaşlıq bayramı, xalq şənliyidir. Məktəbimizdə “Yurdumuza bahar gəlir” mövzusunda geniş bayram tədbiri keçirilmişdir. Baharın müjdəçisi olan qaranquş ilaxır çərşənbələri yola salıb Bahar Qızını qarşıladı. Novruz şənliklərinin əsas personajları Kosa və Keçəl öz tamaşaları ilə uşaqları əyləndirdilər. Şənlikdə şagirdlər səhnəciklər, bahara aid şeirlər, mahnılar ifa etdilər. Tədbirin sonunda məktəbin direktoru Nazim Səfərov uşaqları bayram münasdibəti ilə təbrik etdi və tədbiri hazırlayanlara öz təşəkkürünü bildirdi.
