98 №-li tam orta məktəb

   01.12.2023 - cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin ibtidai  sinif rəhbəri Fəxriyyə Mustafayevanın və 3A sinfinin iştirakı ilə "Laçın, sən azadsan! " adlı tədbir keçirildi. Tədbir şəhidlərinin ruhunun bir dəqiqəlik sükutla yad edilməsi və Azərbaycan Dövlət Himninin səsləndirilməsi ilə başlandı. Sonra şagirdlər Laçına aid məlumatlar, şeirlər, mahnılar səsləndirdilər.

       İnsan hüquq və azadlıqlarının müdafiəsinin səmərəli təmin edilməsi və pozulmasının qarşısının alınması məqsədi ilə 30.11.2023 - cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin akt zalında texnologiya müəllimi İradə Cəfərova , Gülər İbrahimova , kitabxana müdiri Ülkər Əhmədovanın təşkilatçılığı  və 8B sinfinin iştirakı ilə bu mövzu haqqında seminar keçirildi.Seminarda insan hüquqları ilə bağlı qanunvericilik, Konstitusiyamızda insan hüquqları, Uşaq hüquqları haqqında Qanun, Uşaq hüquqları haqqında Konvensiya barədə məlumat verildi. Sonra şagirdlər öz hüquqları haqqında danışdılar.  

      Azərbaycan Respublikası Prezidentinin 22 iyul 2020 - ci il tarixli 2173 nömrəli Sərəncamı ilə təsdiq edilmiş " Azərbaycan Resbublikasında insan alverinə qarşı mübarizəyə dair 2020 - 2024 - cü illər üçün Milli Fəaliyyət Planı " nın icrası ilə bağlı 30.11.2023 - cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbdə psixoloq Ramilə Teymurovanın təşkilatçılığı ilə 7B sinfində bu mövzu ilə bağlı söhbət aparıldı.Söhbət diskussiya formasında davam etdi.

    30.11.2023 - cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin akt zalında 4A , 4B , 6A  ,7B , 8A , 8B siniflərində tibbi - profilaktik yoxlanış aparıldı.Yoxlanışı 8 nömrəli poliklinikanın uşaq cərrahı Aynur Qədirova , nevropatoloq Nəzakət Paşayeva ,oftalmoloq Fidan Əliyeva,stomatoloq Azad Abbasov  məktəbimizin həkimi Aygün Məmmədova və tibb bacısı Amaliya Seyidova apardı.

  Ana dili hər bir xalqın varlığını təsdiq edən başlıca amildir.Millətin dili, əlifbası onun millət olaraq formalaşmasında vacib şərtlərdən biri kimi qəbul edilir. Dilini itirən xalq məhvə məhkumdur. Doğma ana dilimiz olan Azərbaycan dili xalqımızın milli sərvətidir. Tarix yaşadıqca xalqımız bu sərvətin qayğısına qalmalı və dilimiz gələcək nəsillərə ötürülməlidir. 

    Məhz bu məqsədlə Azərbaycan Respublikasının Milli Qəhrəmanı İlqar Mirzəyev adına 98 nömrəli tam orta məktəbin şagirdləri doğma dilimizə həsr olunmuş divar qəzetləri hazırladılar. Həmin divar qəzetləri məktəbin foyesində nümayiş etdirildi.