XOCALI - HƏQİQƏTİN SƏSİ
Azərbaycan Milli Qəhrəmanı İlqar Mirzəyev adına 98 nömrəli məktəbin 8A sinfi və sinif rəhbəri Arifə Məmmədova tərəfindən Xocalı faciəsinə həsr olunmuş sinif təşkilat saatı keçirilib. Tədbirdə şagirdlərə Xocalı şəhərində baş verən dəhşətli hadisələr barədə ətraflı məlumat verilib, faciənin tarixi və onun Azərbaycan xalqı üçün mənəvi və psixoloji təsirləri müzakirə edilib.
Sinif təşkilat saatı zamanı, şagirdlər Xocalı qurbanlarının xatirəsini yad edərək, bu dəhşətli hadisənin gənc nəslə ötürülməsinin vacibliyi barədə fikir mübadiləsi aparıblar. Arifə Məmmədova şagirdlərə Xocalı faciəsinin təkcə Azərbaycanın deyil, bütün bəşəriyyətin qarşısında bir insanlıq cinayəti olduğunu vurğulayıb. Tədbir zamanı, Xocalı hadisəsinin insanlıq tarixinə yazılan ən acı səhifələrdən biri olduğu qeyd edilib və bu hadisənin bir daha təkrarlanmaması üçün birlikdə çalışmaq zərurəti bir daha gündəmə gətirilib.
