NAXÇIVANLI ƏDİBLƏRİMİZ
Naxçıvan başqa sahələrdə olduğu kimi, öz elmi, mədəni həyatı ilə də digər regionlarımızdan fərqlənmişdir. Belə ki, Naxçıvan Cəlil Məmmədquluzadə, Hüseyn Cavid, Məmməd Səid Ordubadi kimi ədəbiyyat dühalarını yetirmişdir.
Naxçıvanın bu görkəmli şəxslərini, onların əsərlərini təbliğ etmək məqsədilə Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin kitabxanasında kitabxana müdiri Ülkər Əhmədovanın, Azərbaycan dili müəllimi Sədaqət Cəfərovanın və 8A sinif şagirdlərinin iştirakı ilə "Naxçıvanlı ədiblərimiz" adlı dəyirmi masa keçirildi. Tədbirdə Sədaqət Cəfərova bu görkəmli ədiblərin həyat və fəaliyyəti haqqında geniş məlumat verdi. Sonra Ülkər Əhmədova Cəlil Məmmədquluzadə və Hüseyn Cavidə həsr olunmuş videoçarxlar nümayiş etdirdi.
