ULU ÖNDƏRƏ ƏBƏDİ XATİRƏ
12 dekabr Ulu Öndər müasir Azərbaycan dövlətinin qurucusu, Ulu Öndər Heydər Əliyevin Anım Günüdür. Bu məqsədlə, Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin kitabxanasında kitabxana müdiri Ülkər Əhmədovanın, Azərbaycan dili müəllimi Nazirə Nəbiyevanın və 7A sinif şagirdlərinin iştirakı ilə Ümummilli Lider Heydər Əliyevə həsr olunmuş tədbir keçirildi. Tədbir Azərbaycan Dövlət Himninin səsləndirilməsi ilə başlandı. Sonra Ulu Öndərə həsr olunmuş şeirlər, musiqilər səsləndirildi. Ülkər Əhmədova Ümummilli Lider Heydər Əliyevin həyat və fəaliyyətinə həsr olunmuş videoçarxlar nümayiş etdirdi.Tədbirdə bildirildi ki, Azərbaycan xalqının müdrik rəhbəri və dahi şəxsiyyət Heydər Əlirza oğlu Əliyevin əziz xatirəsi Azərbaycan xalqının qəlbində əbədi yaşayacaqdır.
