98 №-li tam orta məktəb

               Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə Azərbaycan Silahlı Qüvvələri 44 gün davam edən Vətən müharibəsində heyrətamiz qələbələr əldə edərək dünya hərb tarixinə yeni şanlı səhifələr yazmışlar.Vətən müharibəsinin ən şərəfli səhifələrindən biri noyabr ayının 8-də Qarabağın incisi və tacı, Azərbaycan mədəniyyətinin beşiyi olan Şuşanın əsarətdən xilas edildiyi gündür. Eyni zamanda, bu gün Zəfər Günü kimi qeyd olunur. Bu gün Azərbaycanın hər yerində təmtəraqla qeyd edilir.

               Buna məqsədlə, Azərbaycanın Milli Qəhrəmanı İlqar Mirzəyev adına 98 nömrəli tam orta məktəbdə ilk dərslər Zəfər Gününə həsr olundu. Siniflər bu günə uyğun bəzədildi, şagirdlər əllərində bayrağımız və şüarlarla vətənpərvərlik ruhunda olan  şeirlər, musiqilər səsləndirdilər. Həmçinin müəllimlər şagirdlərə 44 günlük müharibə, şanlı Zəfər Günü barədə geniş məlumat verdilər.