ƏSƏRLƏRİNDƏ EKOLOGİYA MÖVZUSUNA TOXUNAN ƏDİBLƏRİMİZ
25.10.2024-cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin kitabxanasında kitabxana müdiri Ülkər Əhmədovanın, biologiya müəllimi Zahidə Alıyevanın və 6A sinif şagirdlərinin iştirakı ilə “Əsərlərində ekologiya mövzusuna toxunan ədiblərimiz” mövzusunda tədbir keçirildi. Tədbiri giriş sözü ilə açan kitabxana müdiri Ülkər Əhmədova şagirdlərə təbiət və onun komponentləri, təbiəti qorumağın vacibliyi, ekologiya elmi, eyni zamanda, əsərlərində ekologiya mövzusuna toxunan ədiblərimiz haqqında geniş məlumat verdi. Sonra şagirdlər Zəlimxan Yaqubun “Təbiət Allahın şah əsəridir”, Mikayıl Müşfiqin “Həyatı sevirəm”, Rəsul Rzanın “Mən torpağam”, Hüseyn Arifin “Təbiət düşünür”, Abdulla Şaiqin “Bahar”, Sultan Abbasın “Azərbaycan təbiəti” və s. şeirləri səsləndirdilər. Sonda şagirdlər təbiətə aid musiqi nümunəsi də ifa etdilər.
