98 №-li tam orta məktəb

    XX əsrin sonunda yaranmış tarixi şərait Azərbaycana öz dövlət müstəqilliyini bərpa etmək imkanı verdi. Bugünkü reallıqlar və əldə etdiyimiz 44 günlük şanlı Zəfər tariximiz haqqında çox danışılacaq, çox layihələr icra olunacaq, kitablar yazılacaq. Vətən müharibəsində qalib gəlməklə biz ərazi bütövlüyümüzün və azad olunmuş ərazilərdə suverenliyimizin təmin olunması ilə yanaşı, müstəqillik tarixində ilk dəfə itirilmiş torpaqların geriyə alınmasına nail olduq.

  Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin müəllimləri tərəfindən sinif təşkilat saatı keçirildi. Təşkilat saatının keçirilməsinin məqsədi şagirdlərin Müstəqilliyimizin Bərpası haqqında geniş məlumatlar vermək, onları vətənpərvərlik ruhunda tərbiyələndirməkdir.