MİLLİ MÜSTƏQİLLİK GÜNÜ
28 May Azərbaycanın Milli Müstəqillik Günüdür. Bu tarixdə Şərqdə ilk dəfə olaraq demokratik respublika qurulmuşdur.
Ulu Öndərimiz dəfələrlə bildirmişdi ki, biz bu gün demokratik Azərbaycan dövlətini qururuqsa, ayağa qaldırırıqsa, Xalq Cümhuriyyətinə borcluyuq. Azərbaycan Xalq Cümhuriyyətinin tariximizdəki yeri və roluna xüsusi qiymət verən Heydər Əliyev deyirdi: “Biz ilk Demokratik Cümhuriyyətin yaranması gününü əziz tutaraq, onu Azərbaycanın Dövlət Müstəqilliyi Günü elan etmişik və bu, bizim milli bayramımızdır”.
Bu tarixi gün münasibətilə Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin həyətində bütün şagirdlər Azərbaycan Dövlət Himnini səsləndirdilər. Eyni zamanda, dron çəkilişi vasitəsilə şagirdlərin iştirakı ilə bayraq fləşmobu təşkil olundu.
Bundan əlavə, siniflərdə vətənpərvərlik mövzusunda şeirlər, musiqi nümunələri səsləndirildi və Azərbaycanın tarixinə həsr olunmuş videoçarxlar nümüyiş olundu.
