ULU ÖNDƏRƏ HƏSR OLUNMUŞ SİNİF TƏŞKİLAT SAATLARI
Ulu Öndər Heydər Əliyevin ömür yolu, onun şəxsi keyfiyyətləri bütün məziyyətləri ilə yetərincə məlumdur. Çünki Heydər Əliyev hər zaman Azərbaycan xalqına bağlı olub və onun ömür yolu elə Azərbaycan tarixinin bir hissəsidir. Əgər söhbət Heydər Əliyevin siyasi portretindən gedirsə, bircə tezislə məhdudlaşmaq kifayət edər. Heydər Əliyev ən mürəkkəb, ziddiyyətli tarixi proseslərin gərdişindən bacarıqla baş çıxaran, ən çətin vəziyyətdə də təmkinini itirməyən və dünyadakı geosiyasi dəyişiklikləri realistcəsinə qiymətləndirib mənsub olduğu xalqın, ölkəsinin çıxarlarını praqmatik ağılla və dəqiq hesablayan bir lider olmuşdur.
Bu gün Ümummilli Liderin doğum günüdür. Bu məqsədlə, Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin siniflərində Ulu Öndər Heydər Əliyevə həsr olunmuş təşkilat saatları keçirildi. Müəllimlər və şagirdlər dahi insanın həyat və fəaliyyəti haqqında məlumatlar verdilər. Həmçinin ona həsr olunmuş şeir nümunələri səsləndirildi və divar qəzetləri hazırlanıb nümayiş etdirildi.
