7B SİNFİ İLƏ MƏHƏMMƏD FÜZULİ YARADICILIĞINA HƏSR OLUNMUŞ DƏYİRMİ MASA
Məhəmməd Füzuli Nəsimidən sonra ana dilimizdə yaranmış şerin ən gözəl nümunələri olan əsərləri ilə ədəbi-bədii dilimizi yeni yüksəkliklərə qaldırmış, klassik Azərbaycan, habelə digər türk xalqlarının poeziyasına qüvvətli təsir göstərmiş, ədəbi məktəb yaratmışdır. Onun əsərləri Təbrizdə, Bakıda, İstanbulda, Ankarada, Qahirədə, Daşkənddə, Buxarada, Aşqabadda dəfələrlə nəşr edilmiş, dünya şərqşünasları tərəfindən yüksək qiymətləndirilmişdir.
Bu dahi sənətkarın yaradıcılığının təbliği məqsədilə, Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin kitabxanasında kitabxana müdiri Ülkər Əhmədovanın, Azərbaycan dili müəllimi Nəzirə Nəbiyevanın və 7B sinif şagirdlərinin iştirakı ilə dəyirmi masa keçirildi. Dəyirmi masada şairin həyatı, yaradıcılığı, əsərlərində qarşıya qoyduğu məsələlər müzakirə olundu. Həmçinin şagirdlər tərəfindən Məhəmməd Füzuliyə həsr olunmuş videoçarxlara baxıldı.
