NOVATOR ALİM ZƏRİFƏ ƏLİYEVANIN ANIM GÜNÜ
Zərifə xanım Əliyevanın həyat fəlsəfəsi, mənəvi dünyası, oftalmologiya elminin inkişafındakı xidmətləri o qədər zəngin və çoxcəhətlidir ki, onun fəaliyyətinə nəzər salarkən, bir daha bu dahi insanın genişmiqyaslı şəxsiyyət olması qənaətinə gəlmək olur. Zərifə xanımın fitri istedada malik novator alim, pak və nadir bir insan kimi yaşadığı dərin mənalı ömrü, keçdiyi şərəfli həyat yolu hər bir Azərbaycan vətəndaşı, hər bir alim, həkim üçün həyat və mənəviyyat dərsi, kamillik, müdriklik məktəbidir.
Bu gün bu dahi şəxsiyyətin anım günüdür. Bu məqsədlə, Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin foyesində Zərifə Əliyevanın şəkillərindən ibarət guşə yaradıldı. 5B sinif şagirdləri bu guşənin önündə Zərifə Əliyevaya aid məlumatlar səsləndirdilər.
