XOCALI SOYQIRIMINA HƏSR OLUNMUŞ KİTAB SƏRGİSİ
Tarixin müxtəlif dövrlərində ermənilər tərəfindən soyqırıma məruz qalan Azərbaycan xalqı növbəti belə faciə ilə XX əsrin sonlarında Xocalıda üzləşdi. Bu, bəşər tarixində az-az təsadüf olunan dəhşətli cinayətlərdən biri və Ermənistanın ölkəmizə hərbi təcavüzünün kulminasiya nöqtəsi idi.
Xocalı soyqırımının anım günü ilə bağlı keçirilən kütləvi tədbirlər çərçivəsində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin foyesində kitab sərgisi təşkil olundu. Burada Xocalı həqiqətlərini əks etdirən Azərbaycan və digər dillərdə kitablar sərgiləndi.
