ZƏFƏR GÜNÜNƏ HƏSR EDİLMİŞ DİVAR QƏZETLƏRİ
Bu gün tarixi zəfərimizin ildönümüdür.Üç il öncə Vətən müharibəsində işğalçı ölkə Ermənistanın ordusuna vurulan sarsıdıcı zərbələr, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun döyüş meydanında əldə etdiyi parlaq qələbə tarixi torpaqlarımızın 30 illik işğaldan azad edilməsinə, suverenliyimizin təmin olunmasına yol açdı.
Məhz bu tarixi gün münasibətilə Azərbaycanın Milli Qəhrəmanı İlqar Mirzəyev adına 98 nömrəli tam orta məktəbdə silsilə tədbirlər davam etdirilir. Belə tədbirlərdən biri də məktəbin foyesində Zəfər Gününə həsr olunmuş divar qəzetlərinin nümayiş etdirilməsidir. Qəzetlərdə qələbəmizin simvolu olan dəmir yumruq, igid oğullarımız və s. öz əksini tapmışdır.
