ERKƏN NİGAHIN FƏSADLARI
11.04.2023 - cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbdə biologiya müəllimi Şəhla Ramazanova tərəfindən 8A və 8B siniflərində " Reproduktiv sağlamlıq " mövzusunda məşğələ keçirildi.Məşğələnin məqsədi şagirdləri erkən nigahın fəsadları ilə tanış etmək , onlarda ailə və onun funksiyaları ilə bağlı fikir formalaşdırmaqdan ibarətdir.
Şagirdlərin erkən nigah , xoşbəxt ailə , ailə üzvlərini bir - birinə bağlayan səbəblər haqqında fikirləri dinlənildi. Erkən nigah zamanı yarana biləcək səbəblər aydınlaşdırıldı.Bunlara nümunə olaraq şəxsiyyət kimi tam formalaşmamaq , vaxtından əvvəl ağır məsuliyyətlə yüklənmək , dünyaya gələcək uşaqların tərbiyəsində , maddi və mənəvi təminatında çətinliklər göstərildi. Demək olar ki , bütün şagirdlər erkən nigahın düzgün olmadığını vurğuladılar.
