KOD SAATI : RƏQƏMSAL GƏLƏCƏYƏ ADDIM
17 dekabr tarixində paytaxt və bölgələr üzrə " Kod saatı : rəqəmsal gələcəyə addım 2022 - ci il " müsabiqəsinin məktəb üzrə seçim mərhələsi keçirildi.
Onlayn qaydada keçirilən seçim mərhələsində 7 şagirdimiz iştirak edirdi. Nəticələrə əsasən uğur əldə edən şagirdlər dekabrın 26 - da Bakıda keçiriləcək final mərhələsinə vəsiqə qazanacaqlar.
Müsabiqə Elm və Təhsil Nazirliyinin " Rəqəmsal bacariqlar " layihəsinin təşkilatçılığı və Gənclər və İdman Nazirliyinin dəstəyi ilə IV - IX sinif şagirdləri arasında keçirilir.
Müsabiqənin keçirilməsində əsas məqsəd qlobal " Kod saatı " hərəkatının davamı olaraq məktəblilər arasında kompüter elmləri və proqramlaşdırmanın təbliği , eləcə də gənc nəslin bu sahəyə olan marağının artırılmasıdır.
