98 №-li tam orta məktəb

  13.06.2022-ci il tarixində İ.Mirzəyev adına 98№li tam orta məktəbin 8B sinif şagirdləri məktəbin Azərbaycan dili və ədəbiyyat müəllimi Nəzirə Nəbiyevanın təşkilatçılığı ilə "Milli Qurtuluş Günü"nə həsr olunmuş tədbir keçirdilər.Şagirdlər Milli Qurtuluş Gününü Ulu öndərimiz Heydər Əliyevin 1993-cü il 15 iyun tarixinin nailiyyətləri olaraq qiymətləndirərək rəqslər,şeirlər,mahnılar ifa etdilər.H.Əliyevin Qarabağ torpaqlarının azad olunması ilə bağlı arzularının Azərbaycan Respublikasının Prezidenti,Ali Baş komandanımız,Ulu öndərimizin layiqli davamçısı İlham Əliyev tərəfindən həyata keçirilməsi haqqında çıxış etdilər.Tədbirdə 98№-li məktəbin direktoru Yeganə Məhərrəmova,8B sinfinin sinif rəhbəri Sevil Vəliyeva və 8B sinfinin Azərbaycan dili və ədəbiyyat müəllimi Nəzirə Nəbiyeva iştirak etdilər.

    Tədbirin sonunda məktəbin direktoru Yeganə Məhərrəmova çıxış edərək öz ürək sözlərini bildirdi və bütün xalqımızı bayram münasibətilə təbrik etdi.