Oxu günü keçirilib
Noyabrın 30-da II sinif şagirdləri ilə “Mütaliə və Biz” adlı müzakirəli oxu günü keçirilib. Kitabxana müdiri Səbinə Manafova Zahirə Cabirin “Əvvəl zaman içində” kitabından “Divlər sarayı” və “Azıx mağarası” əfsanələrini ifadəli oxuyub. Qarabağ haqqında yazılan bu kitabda gözəl diyarımızın qədimliyindən söhbət açılır. Şagirdlər əfsanələri dinlədikdən sonra fikirlərini bölüşüblər, Vətənə və vətənpərvərliyə aid şeirlər səsləndiriblər.
Tədbirin keçirilməsində məqsəd şagirdlərə vətənpərvərlik ruhunda yazılmış kitabları təbliğ etmək, mütaliə etməyi sevdirməkdir.
