Beynəlxalq Ana Dili Günü
21.02.2018-ci il tarixində məktəbin Azərbaycan dili və ədəbiyyat müəllimi G.Cəfərova 7 C sinfnin iştirakı ilə Beynelxalq Ana Dili gününə həsr olunmuş tədbir keçirdi. Azərbaycan Dövlət Himni səsləndikdən sonra müəllim giriş sözü olaraq bu günün əhəmiyyəti, təsis olunması tarixi ilə şagirdləri tanış etdi. Həmçinin “Dilimiz mənəviyyatımızdır” mövzusunda müzakirə təşkil olundu. Şagirdlərdən Ə.Şəhla, İ.Ağaəli mövzuya dair şeirlər, N.Nurmələk, A.Şəhla, Ə.Elmar, X.Sevil, M.Cəlal isə ana dilinin mənəvi dəyər olduğunu söyləyərək aforizmlər səsləndirdilər. Müəllim G.Cəfərova tədbiri bitirərkən dilimizin ən zəngin bir dil olduğunu və onun saflığının qorunmasının hər bir Azərbaycan vətəndaşının borcu olduğunu xatırlatdı.
